បទពាក្យ ៨
អាកាសធាតុត្រជាក់ក្តៅរងា
ប្តូរវេលាប្រួលប្រែតាមរដូវ
ចិត្តមនុស្សប្រែប្រួលថាមិនត្រូវ
ញាតិឥឡូវផ្លាស់ប្តូរចិត្តមិនទៀង។
ប្តូរវេលាប្រួលប្រែតាមរដូវ
ចិត្តមនុស្សប្រែប្រួលថាមិនត្រូវ
ញាតិឥឡូវផ្លាស់ប្តូរចិត្តមិនទៀង។
ប្រតិព័ទ្ធចង់ចាប់ភ្ជាប់ស្នេហា
រូបជីវ៉ាចាំចិត្តជាប់កុំល្អៀង
ស្មោះភក្តីសុចរិតកុំវេរវៀង
មើលកុំដៀងសម្លឹង ភក្រ្តឱ្យចំ។
រូបជីវ៉ាចាំចិត្តជាប់កុំល្អៀង
ស្មោះភក្តីសុចរិតកុំវេរវៀង
មើលកុំដៀងសម្លឹង ភក្រ្តឱ្យចំ។
ជាភស្តុតាងតំណាងទំនុកចិត្ត
ស្ម័គ្រកៀកកិតស្នេហ៍ស្និទ្ធហត្ថប្រណម
ពាក់ចិញ្ចៀនប្រទានមិនបង្ខំ
តាមក្រឹត្យក្រមទំនៀមលោកមេបា ។
ស្ម័គ្រកៀកកិតស្នេហ៍ស្និទ្ធហត្ថប្រណម
ពាក់ចិញ្ចៀនប្រទានមិនបង្ខំ
តាមក្រឹត្យក្រមទំនៀមលោកមេបា ។
តទៅមុខពៅបងមិនបែកបែរ
ចាំឆ្នាំខែវេលាយើងរៀបការ
បងប្អូនញាតិសន្តានបាចផ្កាស្លា
សាងវាសនាជីវិតពិតសុខសាន្ត។
ចាំឆ្នាំខែវេលាយើងរៀបការ
បងប្អូនញាតិសន្តានបាចផ្កាស្លា
សាងវាសនាជីវិតពិតសុខសាន្ត។
យ៉ាងណាមិញវត្ថុដាក់បញ្ចាំ
ថ្ងៃខែឆ្នាំព្រមព្រៀងកកើតបាន
តាមសន្យាឆន្ទៈសុខសាន្តត្រាណ
គ្មានរំខានឆបោកភាន់ច្រឡំ។
ថ្ងៃខែឆ្នាំព្រមព្រៀងកកើតបាន
តាមសន្យាឆន្ទៈសុខសាន្តត្រាណ
គ្មានរំខានឆបោកភាន់ច្រឡំ។
វិការៈទាំងឡាយមិនត្រូវមាន
មករុករានទន្រ្ទានចូលសណ្តំ
ប្រើហិង្សាគម្រាមចាប់វាយដំ
ភ័យក្រៀមក្រំខ្លបខ្លាចអំណាចសក្តិ។
មករុករានទន្រ្ទានចូលសណ្តំ
ប្រើហិង្សាគម្រាមចាប់វាយដំ
ភ័យក្រៀមក្រំខ្លបខ្លាចអំណាចសក្តិ។
ការបញ្ចាំបង្កើតអានុភាព
ច្បាប់រាប់រៀបប្រគល់វត្ថុដាក់
នៅក្នុងដៃកាន់កាប់ដោយម្ចាស់ប្រាក់
ដែលស្មោះស្ម័គ្ររក្សាឱ្យគង់វង្ស។
ច្បាប់រាប់រៀបប្រគល់វត្ថុដាក់
នៅក្នុងដៃកាន់កាប់ដោយម្ចាស់ប្រាក់
ដែលស្មោះស្ម័គ្ររក្សាឱ្យគង់វង្ស។
ម្ចាស់បំណុលអាចយកដីបញ្ចាំ
ដាក់ដុះដាំដំណាំជួយទ្រទ្រង់
ប្រមូលផលផ្លែផ្កាកើនរឿងរុង
គ្រប់ជ្រោយជ្រុងចំរើនអភិវឌ្ឍ។
ដាក់ដុះដាំដំណាំជួយទ្រទ្រង់
ប្រមូលផលផ្លែផ្កាកើនរឿងរុង
គ្រប់ជ្រោយជ្រុងចំរើនអភិវឌ្ឍ។
ទ្រព្យបញ្ចាំអាចដាក់ជាបន្ត
តតំណអ្នកផ្សេងមិនហាមឃាត់
ច្បាប់បញ្ញត្តផ្តល់សិទ្ធិជាប់ពាក់ព័ទ្ធ
ធ្វើទូទាត់ប្រកបកិច្ចជំនួញ។
តតំណអ្នកផ្សេងមិនហាមឃាត់
ច្បាប់បញ្ញត្តផ្តល់សិទ្ធិជាប់ពាក់ព័ទ្ធ
ធ្វើទូទាត់ប្រកបកិច្ចជំនួញ។
ប្រភពរូបភាពៈ
No comments:
Post a Comment