បទពាក្យ ៩
ដែនសមុទ្រគោកអាកាសព្រំសីមា
ខណ្ឌរដ្ឋាបូរណៈនៃទឹកដី
សែនស្រលាញ់ប្រជារាស្រ្តទាំងប្រុសស្រី
ខំឃ្មាតខ្មីថែរក្សាឱ្យគង់វង្ស។
ខណ្ឌរដ្ឋាបូរណៈនៃទឹកដី
សែនស្រលាញ់ប្រជារាស្រ្តទាំងប្រុសស្រី
ខំឃ្មាតខ្មីថែរក្សាឱ្យគង់វង្ស។
មនុស្សមានសេរីភាពប្រាកដពិត
មានទាំងសិទ្ធិយ៉ាងពេញលេញគ្រប់ពូជពង្ស
បូរណៈផ្លូវកាយចិត្តភ្លឺរោចន៍រុង
កេរ្តិ៍ឆោមយង់កិត្តិយសតាមផ្លូវច្បាប់។
មានទាំងសិទ្ធិយ៉ាងពេញលេញគ្រប់ពូជពង្ស
បូរណៈផ្លូវកាយចិត្តភ្លឺរោចន៍រុង
កេរ្តិ៍ឆោមយង់កិត្តិយសតាមផ្លូវច្បាប់។
តាងបេះដូងជាតំណាងឱ្យផ្លូវចិត្ត
ហាមកៀកកិតបើម្ចាស់សិទ្ធិមិនបានប្រាប់
កុំនិយាយហារថ្លាថ្លែងចាររ៉ាយរ៉ាប់
ជាសណ្តាប់ត្រូវយល់ដឹងគ្រប់បុគ្គល។
ហាមកៀកកិតបើម្ចាស់សិទ្ធិមិនបានប្រាប់
កុំនិយាយហារថ្លាថ្លែងចាររ៉ាយរ៉ាប់
ជាសណ្តាប់ត្រូវយល់ដឹងគ្រប់បុគ្គល។
ការរស់នៅញាតិកូនចៅក្រុមគ្រួសារ
មិត្តស្នេហាប្តីប្រពន្ធកុំរវល់
បូញមាត់កមើលសម្លឹងយកភ្នែកទល់
នាំអំពល់ទុក្ខសោកាធ្លាក់ដល់ខ្លួន។
មិត្តស្នេហាប្តីប្រពន្ធកុំរវល់
បូញមាត់កមើលសម្លឹងយកភ្នែកទល់
នាំអំពល់ទុក្ខសោកាធ្លាក់ដល់ខ្លួន។
សិទ្ធិផ្លូវចិត្តដាមដក់ដិតក្នុងអារម្មណ៍
ដែលសម្ងំម្ចាស់បាំងបិទលាក់បំពួន
រឿងស្នេហាសុខភាពរឹងមាំមួន
កុំអង្រួនបរិហារដល់កេរ្តិ៍ឈ្មោះ។
ដែលសម្ងំម្ចាស់បាំងបិទលាក់បំពួន
រឿងស្នេហាសុខភាពរឹងមាំមួន
កុំអង្រួនបរិហារដល់កេរ្តិ៍ឈ្មោះ។
កិត្តិភាពគោរម្យ៍ងារសក្តិបុគ្គល
កុំបំពុលបរិយាយនាំជម្លោះ
ទ្រព្យសម្បត្តិពាក់ព័ន្ធភេទកុំពិគ្រោះ
ពិតពីព្រោះជាជីវិតឯកជន។
កុំបំពុលបរិយាយនាំជម្លោះ
ទ្រព្យសម្បត្តិពាក់ព័ន្ធភេទកុំពិគ្រោះ
ពិតពីព្រោះជាជីវិតឯកជន។
រឿងជីវិតសាធារណៈយល់ព្រមបាន
មិនរំខានអាចថ្លាថ្លែងមើលគយគន់
មិនចាំបាច់អនុញ្ញាតម្ចាស់ជាមុន
ច្បាប់ទន់ភ្លន់ផ្សព្វផ្សាយបានគ្រប់ទិសទី។
មិនរំខានអាចថ្លាថ្លែងមើលគយគន់
មិនចាំបាច់អនុញ្ញាតម្ចាស់ជាមុន
ច្បាប់ទន់ភ្លន់ផ្សព្វផ្សាយបានគ្រប់ទិសទី។
ច្បាប់ក្រមរដ្ឋ ប្បវេណី ចាប់ចងចារ
តាមមាត្រា ប្រាំពីររយ ហុកសិបពីរ
ដល់បុគ្គល ដែលត្រូវបាន គេជាន់ឈ្លី
ខូចវក់វី អាប់ឱនដល់ យសកេរ្តិ៍ឈ្មោះ។
តាមមាត្រា ប្រាំពីររយ ហុកសិបពីរ
ដល់បុគ្គល ដែលត្រូវបាន គេជាន់ឈ្លី
ខូចវក់វី អាប់ឱនដល់ យសកេរ្តិ៍ឈ្មោះ។
ទាមទារនូវ សំណងខាត ពីចារី
ថ្លែងសម្តីប៉ះពារដល់កិត្តិយស
ជួសជុលដល់ ព្យសនកម្ម ជនរងគ្រោះ
មានជម្លោះ ជាវិវាទ រឿងផ្លូវចិត្ត។
ថ្លែងសម្តីប៉ះពារដល់កិត្តិយស
ជួសជុលដល់ ព្យសនកម្ម ជនរងគ្រោះ
មានជម្លោះ ជាវិវាទ រឿងផ្លូវចិត្ត។
រូបសំណេរ សារសំលេង វីដេអូ
សព្ទសៀងសូរ បុត្រត្រូវតែ ស្រាងសម្រិត
ម្តាយសូមផ្តាំ កូនត្រូវចាំ គិតលម្អិត
ខំប្រៀងប្រិត មើលផ្ទៀងផ្ទាត់ មុនចេញផ្សាយ។
សព្ទសៀងសូរ បុត្រត្រូវតែ ស្រាងសម្រិត
ម្តាយសូមផ្តាំ កូនត្រូវចាំ គិតលម្អិត
ខំប្រៀងប្រិត មើលផ្ទៀងផ្ទាត់ មុនចេញផ្សាយ។
No comments:
Post a Comment