គេហនិទានុលេខន៍យើងនេះ មានគោលបំណងផ្សព្វផ្សាយ បទដ្ឋានគតិយុត្តដល់និស្សិត អ្នកស្រាវជ្រាវទាំងឡាយ ដែលត្រូវការជំនួយក្នុងការសិក្សាស្រាវជ្រាវ ។ ជាពិសេ វាជាមធ្យោបាយមួយសម្រាប់នាំ ផ្លូវទៅរកគេហទំព័រ និង ប្លក់ផ្សេងៗ ទាំងឡាយ ដែលទាក់ទងនឹង វិស័យច្បាប់។

Wednesday, November 23, 2011

Friday, November 18, 2011

សាលដីកាប្រឆាំងឌុចប្រកាសនៅខែកុម្ភៈ២០១២

ប្រភព RFI (http://www.khmer.rfi.fr/cambodia/20111117 )
ដោយ លាង ដឺលុច

សាលាក្តីខ្មែរក្រហមបានអោយដឹងនៅថ្ងៃនេះថា សាលដីកានៃបណ្តឹងសារទុក្ខសំណុំរឿង០០១នោះនឹងត្រូវប្រកាសអោយដឹងនៅថ្ងៃទី៣ខែកុម្ភៈឆ្នាំ២០១២។ តាមកាលបរិច្ឆេទនេះ សាលដីកានឹងត្រូវប្រកាសក១១ខែក្រោយសវនាការលើបណ្តឹងសារទុក្ខនេះដែលត្រូវបានធ្វើកាលពីចុងខែមីនា។

តុលាការកំពូលនៃសាលាក្តីខ្មែរក្រហមនឹងប្រកាសសាលដីកាសំណុំរឿង០០១ដែលពាក់ព័ន្ធអតីតមេគុកទួលស្លែងកាំង ហ្គេចអ៊ាវហៅឌុច នៅថ្ងៃទី៣ខែកុម្ភៈឆ្នាំ២០១២ខាងមុខនេះ។ ដំណឹងនេះត្រូវបានប្រធានតុលាការកំពូលនៃសាលាក្តីខ្មែរក្រហមលោកចៅក្រមគង់ ស្រ៊ីមប្រកាសអោយដឹងជាសាធារណៈនៅថ្ងៃព្រហស្បតិ៍នេះ។

តុលាការកំពូលបានចំណាយពេលយូរល្មមទម្រាំអាចកំណត់កាលបរិច្ឆេទនៃការប្រកាសសាលដីកាសំណុំរឿង០០១នេះ។ សាលដីកាដែលត្រូវប្រកាស១១ខែក្រោយសវនាការ។ សាលាដំបូងនៃតុលាការខ្មែរក្រហមបានប្រកាសសាលក្រមកាត់ទោសអតីតមេគុកទួលស្លែងកាំង ហ្គេចអ៊ាវហៅឌុចកាលពីថ្ងៃទី២៦ខែកក្កដាឆ្នាំ២០១០ ដោយបានសម្រេចដាក់ទោសឌុចអោយជាប់ពន្ធនាគារចំនួន៣៥ឆ្នាំ។ប៉ុន្តែក្រោយមានកាត់កង ទោសរបស់ឌុចនៅសល់ត្រឹមតែ១៩ឆ្នាំ។

ទាំងជនជាប់ចោទ សហព្រះរាជអាជ្ញា និងភាគីដើមបណ្តឹងរដ្ឋប្បវេណីបានប្តឹងសារទុក្ខប្រឆាំងសាលក្រមនេះ។ ហើយសវនាការលើបណ្តឹងសារទុក្ខនេះបានប្រព្រឹត្តិទៅកាលពីថ្ងៃទី២៨ដល់ថ្ងៃទី៣០មិនាឆ្នាំ២០១១កន្លងទៅ។
ការរង់ចាំសាលដីកាពីតុលាការកំពូលនៃសាលាក្តីខ្មែរក្រហមបានតម្រូវអោយក្រុមដើមបណ្តឹងរដ្ឋប្បវេណីសរសេរលិខិតសួរនាំទៅតុលាការកំពូលដែលក្រោយមកបានពន្យល់ប្រាប់ថា ពួកគេកំពុងធ្វើការងារយ៉ាងសស្រាក់សស្រាំដើម្បីអាចប្រកាសសាលដីកាអោយបានឆាប់។ ប៉ុន្តែសាលដីកានេះនៅតែមិនអាចចេញមុនមរណភាពរបស់លោកវ៉ាន់ ណាតដែលជាអតីតអ្នកទោសរបស់ជនជាប់ចោទឌុចនោះឡើយ៕

សហព្រះរាជអាជ្ញាប្តឹងជំទាស់នឹងការសម្រេចដោះលែងលោកស្រី អៀង ធីរិទ្ធ

co_prosecutors_appeal_after_court_freed_ieng_thearith)

ដោយ លី ម៉េងហួរ

នៅមួយថ្ងៃក្រោយតុលាការសម្រេចដោះលែងលោកស្រីអៀង ធីរិទ្ធិ លោកស្រី ជា លាង និងលោក អាន់ឌ្រូ ខាលី សហព្រះរាជអាជ្ញា ក្នុងតុលាការខ្មែរក្រហម បានឯកភាពរួមគ្នា ដាក់ពាក្យបណ្តឹងសាទុក្ខ ទៅកាន់តុលាការកំពូល ជំទាស់នឹងការសម្រេចដោះលែងលោកស្រី អៀង ធីរិទ្ធ។ លោកស្រី អៀង ធីរិទ្ធ អតីត រដ្ឋមន្ត្រីសង្គមកិច្ច អាយុ ៧៩ ឆ្នាំ ត្រូវបានអង្គជំនុំជម្រះសាលាដំបូង របស់សាលាក្តីខ្មែរក្រហម យល់ស្របថា លោកស្រីពុំមានកាយសម្បទា និងបញ្ញាស្មារតីគ្រប់គ្រាន់ក្នុងការចូលរួមសវនាការ លើសំណុំរឿង០០២ នាថ្ងៃ២១វិច្ឆិកាបានទេ។ លោកស្រី អៀង ធីរិទ្ធ ក៏ត្រូវបានរកឃើញថា មានជម្ងឺវង្វេងវង្វាន់ ដែលកាន់តែចុះខ្សោយទៅៗ ហើយតុលាការសាលាដំបូង កាលពីថ្ងៃ១៧វិច្ឆិកាម្សិលមិញ ក៏បានសម្រេចដោះលែងលោកស្រីផងដែរ ។

ក្រោយពីបើកកិច្ចប្រជុំជាច្រើនម៉ោង នៅរសៀលថ្ងៃសុក្រនេះ សហព្រះរាជអាជ្ញាជាតិ និងអន្តរជាតិ បានចុះហត្ថលេខារួមគ្នា លើពាក្យបណ្តឹងសាទុក្ខ ជំទាស់នឹងការសម្រេចដោះលែងលោកស្រី អៀង ធីរិទ្ធ។ ពាក្យបណ្តឹងនោះ ត្រូវបានដាក់ទៅកាន់តុលាការកំពូលរួចរាល់ហើយ នៅប៉ុន្មានម៉ោងមុននេះ។

ក្រោយពីសម្រេចដូច្នេះ សហព្រះរាជអាជ្ញាជាតិ លោកស្រី ជា លាង បានមានប្រសាសន៍ប្រាប់វិទ្យុបារាំងអន្តរជាតិថា ការប្តឹងសាទុក្ខទៅលើការសម្រេចរបស់អង្គជំនុំជម្រះសាលាដំបូង ក្នុងករណីលោកស្រី អៀងធីរិទ្ធ ដោយសហព្រះរាជអាជ្ញាលើកហេតុផលថា ទី១-សហព្រះរាជអាជ្ញា មិនឯកភាពក្នុងការដោះលែងឲ្យលោកស្រី អៀងធីរិទ្ធ នៅក្រៅឃុំ ដោយគ្មានលក្ខខណ្ឌនោះទេ។ ទី២-សហព្រះរាជអាជ្ញា សុំឲ្យតុលាការកំពូល ពិនិត្យឡើងវិញអំពីសម្បទាសុខភាពរបស់លោកស្រី អៀងធីរិទ្ធ និងផ្អាកការដោះលែងគាត់ ជាបណ្តោះអាសន្នសិន។

តាមនីតិវិធី សហព្រះរាជអាជ្ញា មានពេល ២៤ ម៉ោង ក្នុងការប្តឹងសាទុក្ខ ជំទាស់នឹងការសម្រេចរបស់អង្គជំនុំជម្រះសាលាដំបូង ដែលបានសម្រេច កាលពីល្ងាចថ្ងៃទី១៧វិច្ឆិកា ឆ្នាំ២០១១ ចំពោះការដោះលែងលោកស្រី អៀងធីរិទ្ធ។

តាមនីតិវិធី តុលាការកំពូល មានពេល ៤៨ ម៉ោង ក្នុងការសម្រេចចិត្ត ថាតើទទួលយកបានឬទេ ចំពោះបណ្តឹងឧទ្ធរណ៍ ឬបណ្តឹងសាទុក្ខរបស់សហព្រះរាជអាជ្ញា។ ក្នុងនោះអង្គជំនុំជម្រះតុលាការកំពូល ក៏មានរយៈពេល ១៥ ថ្ងៃ ក្នុងការសម្រេចលើពាក្យបណ្តឹងឧទ្ធរណ៍របស់សហព្រះរាជអាជ្ញា ដែលជំទាស់នឹងការសម្រេចរបស់អង្គជំនុំជម្រះសាលាដំបូង។ នេះបើតាមការពន្យល់របស់លោក នេត្រ ភក្ត្រា អ្នកនាំពាក្យសាលាក្តីខ្មែរក្រហម។

លោក នេត្រ ភក្ត្រា បានបន្ថែមថា ទោះបីជាអង្គជំនុំជម្រះសាលាដំបូង បានសម្រេចឲ្យមានការដោះលែងលោកស្រី អៀង ធីរិទ្ធ ក្តី តែមកដល់ពេលនេះ មិនទាន់មានការដោះលែងលោកស្រីអៀងធីរិទ្ធ ចេញពីមន្ទីរឃុំឃាំងនៅឡើយទេ។

តាមរយៈសេចក្តីសម្រេចដ៏ភ្ញាក់ផ្អើល កាលពីល្ងាចថ្ងៃទី១៧វិច្ឆិកា ឆ្នាំ២០១១ អង្គជំនុំជម្រះសាលាដំបូង របស់តុលាការខ្មែរក្រហម បានយល់ស្របថា លោកស្រី អៀង ធីរិទ្ធ អតីតរដ្ឋមន្ត្រីសង្គមកិច្ចខ្មែរក្រហម អាយុ ៧៩ ឆ្នាំ ពុំមានកាយសម្បទា និងបញ្ញាស្មារតីគ្រប់គ្រាន់ក្នុងការចូលរួមសវនាការ នាពេលនេះបានទេ។ លោកស្រី អៀង ធីរិទ្ធ ត្រូវបានរកឃើញថា មានជម្ងឺវង្វេងវង្វាន់ ដែលកាន់តែចុះខ្សោយទៅៗ។ កន្លងទៅ មេធាវីរបស់លោកស្រីអៀង ធីរិទ្ធិក៏ធ្លាប់បាននិយាយដែរថា លោកស្រីអៀង ធីរិទ្ធិលែងនិយាយត្រឹមត្រូវជាមួយអ្នកតំណាងច្បាប់ដែលជួយការពារគាត់នៅតុលាការដែរ។

អង្គជំនុំជម្រះសាលាដំបូង បានសម្រេចចិត្តជាឯកច្ឆន្ទបំបែកបទចោទប្រកាន់ប្រឆាំងនឹង អៀង ធីរិទ្ធ និងផ្អាកកិច្ចដំណើរការនីតិវិធី ចំពោះគាត់។ អង្គជំនុំជម្រះសាលាដំបូង ក៏បានសម្រេចដោះលែងលោកស្រី អៀងធីរិទ្ធ ដោយមិននាំលោកស្រីមកកាត់ទោស ក្នុងសំណុំរឿង០០២ នៅថ្ងៃទី២១វិច្ឆិកា ឆ្នាំ២០១១ឡើយ៕

ទំព័រ

Wednesday, November 23, 2011

Friday, November 18, 2011

ប្រភព RFI (http://www.khmer.rfi.fr/co_prosecutors_appeal_after_court_freed_ieng_thearith)

ម៉ោងលើពិភពលោក

ទំព័រ